- Tirur Road,Kuttippuram,Malappuram
- Phone: +917592997991
- hayathmedicare@gmail.com
പ്രധാനപ്പെട്ട അഞ്ച് ലക്ഷണങ്ങളെക്കുറിച്ചാണ് പറയുന്നത്. ഇരുമ്പിൻ്റെ കുറവാണ് പലപ്പോഴും വിളർച്ച അഥവ അനീമിയയ്ക്ക് കാരണമാകുന്നത്.
പല സ്ത്രീകളും നേരിടുന്ന പ്രധാന പ്രശ്നമാണ് അനീമിയ. ശരീരത്തിലെ ഹീമോഗ്ലോബിൻ്റെ അളവ് നിശ്ചിത അളവിൽ നിന്ന് കുറയുമ്പോഴാണ് അനീമിയ എന്ന അവസ്ഥയുണ്ടാകുന്നത്. അനീമിയ അഥവ വിളർച്ച ആരോഗ്യത്തെ ദോഷകരമായി ബാധിക്കുന്നു. കൃത്യമായ മരുന്നും ഭക്ഷണവും കഴിക്കാതിരുന്നാൽ ഇത് ആരോഗ്യത്തെ ദോഷകരമായി ബാധിക്കും. രക്തപരിശോധനയിലൂടെയാണ് ഒരാൾ അനീമിക്ക് ആണോ എന്ന് കണ്ടെത്തുന്നത്. പ്രത്യേക കാരണമില്ലാതെ അമിതമായ ക്ഷീണം അനുഭവപ്പെടുന്നുണ്ടെങ്കിൽ അത് കാരണം അനീമിയയാണ്. എല്ലാ പ്രായക്കാരിലും അനീമിയ കണ്ടുവരാറുണ്ടെങ്കിലും പൊതുവെ സ്ത്രീകൾ, ഗർഭിണികൾ, കൗമാരക്കാരായ പെൺകുട്ടികൾ എന്നിവരിലാണ് കൂടാതലായി ഇത് കണ്ടുവരുന്നത്
ഇടവിട്ടുള്ള തലവേദന
അനീമിയയുടെ പ്രധാന ലക്ഷണങ്ങളിലൊന്നാണ് ഇടവിട്ടുള്ള തലവേദന. പലരും ഇത് അത്ര കാര്യമാക്കില്ലെങ്കിലും ദീർഘനാൾ ഇത്തരത്തിൽ തലവേദന ഉണ്ടാകുന്നുണ്ടെങ്കിൽ രക്ത പരിശോധന നടത്തേണ്ടത് അനിവാര്യമാണ്. ശരീരത്തിലെ രക്തത്തിൻ്റെ അളവ് കുറയുമ്പോൾ തലച്ചോറിലേക്ക് എത്തുന്ന ഓക്സിജൻ്റെ അളവിൽ വ്യത്യാസം വരും. ഇതാണ തലവേദനയ്ക്ക് കാരണമാകുന്നത്. മറ്റ് കാരണങ്ങളൊന്നുമില്ലാതെ ആണ് തലവേദന ഉണ്ടാകുന്നതെങ്കിൽ തീർച്ചയായും രക്തപരിശോധന നടത്തണം. ഹീമോഗ്ലോബിന്റെ അളവ് കുറയുന്നത് തലവേദനയ്ക്ക് കാരണമാകും.
പകൽ സമയത്തുള്ള ഉറക്കം
ചില സ്ത്രീകളെ കണ്ടിട്ടില്ലെ ഏത് സമയത്തും ഉറക്കമായിരിക്കും, പ്രത്യേകിച്ചും പകൽ സമത്ത്. അമിതമായ ക്ഷീണം കാരണമാണ് ഇത്തരത്തിൽ ഉറങ്ങി പോകുന്നത്. വിളർച്ച ഉള്ളവരായിരിക്കും ഇതിൽ ഭൂരിഭാഗം പേരും എന്നതാണ് സത്യം. വേണ്ടത്ര രക്തം ശരീരത്ത് ലഭിക്കാതിരിക്കുമ്പോൾ ശരീരത്തിലെ ഊർജ്ജം നശിക്കുന്നു ഇത് വിളർച്ചയുടെ കാരണമാകാം. ഇരുമ്പ് അടങ്ങിയ ഭക്ഷണം കഴിക്കുന്നത് ഒരു പരിധിവരെ വിളർച്ച തടയാൻ സഹായിക്കും.
തലക്കറക്കം
ഇരിക്കുന്ന സ്ഥലത്ത് നിന്ന് പെട്ടെന്ന് എഴുന്നേൽക്കുമ്പോൾ തലകറക്കം അനുഭവപ്പെട്ടാൽ അത് അനീമിയയുടെ ലക്ഷണമാണ്. ഹീമോഗ്ലോബിൻ്റെ ഉത്പ്പാദനത്തിൽ ജന്മനാ ഉള്ള കുറവും അനീമിയ്ക്ക് കാരണമാകും. പെട്ടെന്നുണ്ടാകുന്ന തലകറക്കത്തിൻ്റെ കാരണം കണ്ടുപിടിക്കാൻ സാധിച്ചില്ലെങ്കിൽ അനീമിയ ആണോ എന്ന് പരിശോധിക്കാൻ മറക്കരുത്. അനീമിയ കാരണം ഹൃദയത്തിൻ്റെ പ്രവർത്തനങ്ങൾ പോലും തടസപ്പെട്ടേക്കാം.
വിളറി വെളുത്ത മുഖം
ചിലരുടെ മുഖം കണ്ടിട്ടില്ലേ വിളറി വെളുത്ത് ഇരിക്കുന്നത് അത് സാധാരണമാണെന്ന് ചിന്തിക്കരുത്. വിളർച്ച കാരണം മുഖം ഇങ്ങനെയാകാം. ചർമ്മത്തിൻ്റെ സാധാരണ വെളുപ്പും വിളറിയ വെളുപ്പും എളുപ്പത്തിൽ തിരിച്ചറിയാൻ സാധിക്കും. അനീമിയ ഉള്ള സ്ത്രീകളുടെ ആരോഗ്യ നില വളരെ വേഗത്തിലായിരിക്കും വഷളാകുന്നത്. രക്തം കുറയുമ്പോഴാണ് മുഖം വിളറി വെളുക്കുന്നത്. ഇത്തരത്തിലുള്ളവർ ഇരുമ്പ് അടങ്ങിയ ഭക്ഷണങ്ങൾ ധാരാളമായി കഴിക്കാൻ ശ്രമിക്കണം.