- Tirur Road,Kuttippuram,Malappuram
- Phone: +917592997991
- hayathmedicare@gmail.com
പല രോഗങ്ങള്ക്കും പരിഹാരമായി വീട്ടുവൈദ്യം പരീക്ഷിയ്ക്കാമെന്ന് ഇന്നത്തെ കാലത്ത് സോഷ്യല് മീഡിയ
വഴി പ്രചരണങ്ങളുണ്ട്. ഇത്തരത്തില് ഒന്നാണ് കുക്കുമ്പോള്, ഇഞ്ചി, മഞ്ഞള് മിശ്രിതമിട്ട വെള്ളം കുടിയ്ക്കുന്നത്
ക്യാന്സര് മാറ്റുമെന്ന് കാണിച്ച് ഒരു യൂട്യൂബ് വീഡിയോയില് പ്രചരിയ്ക്കുന്ന ഷോര്ട്സ് ഇതില് വാസ്തവം എന്തെന്നറിയാം.
1, ക്യാന്സറിന് വീട്ടുവൈദ്യം
2, മഞ്ഞള്, കുക്കുമ്പര്, ഇഞ്ചി വെള്ളം ക്യാന്സര് മാറ്റുമോ
3, ഇതെക്കുറിച്ച് ഡോക്ടര് പറയുന്നു
ക്യാന്സര് ഇന്നത്തെ കാലത്തും പൂര്ണപരിഹാരം കണ്ടെത്താനാകാത്ത ഒരു രോഗമാണ്. തുടക്കത്തില് കണ്ടെത്തി
ചികിത്സിച്ചാല് ഭേദമാക്കാന് സാധിയ്ക്കുമെങ്കിലും തിരിച്ചറിയാന് വൈകുന്നതാണ് ഈ രോഗത്തെ കൂടുതല്
ഗുരുതരമാക്കുന്നത്. ഇന്നത്തെ കാലത്ത് പല രോഗങ്ങള്ക്കും വീട്ടുവൈദ്യം എന്ന് പറഞ്ഞ് സോഷ്യല് മീഡിയായില്
പ്രചരിയ്ക്കുന്ന കാര്യങ്ങളുണ്ട്. ചിലതില് സത്യമുണ്ടാകും, ചിലത് തെററാകും. ക്യാന്സര് മാറ്റും എന്ന് അവകാശപ്പെട്ട്
യൂട്യൂബ് ഷോട്സില് പ്രചരിയ്ക്കുന്ന ഒരു വീഡിയോയുണ്ട്. കുക്കുമ്പര്, ഇഞ്ചി, മഞ്ഞള്പ്പൊടി എന്നിവയില് വെള്ളം
ഒഴിച്ച് ഈ വെള്ളം കുടിയ്ക്കുന്നത് ക്യാന്സര് ശമിപ്പിയ്ക്കുമെന്നാണ് അവകാശവാദം. ഒന്നരക്കപ്പ് വെളളത്തില് അരക്കപ്പ്
കുക്കുമ്പര്, ഒരു ടേബിള് സ്പൂണ് ഇഞ്ചി, അര ടീസ്പൂണ് മഞ്ഞള്പ്പോടി അല്ലെങ്കില് കുരുമുളക് പൊടി എന്നിവ കലര്ത്തി
കുടിയ്ക്കുന്ന രീതിയാണ് വീഡിയോയില് കാണിക്കുന്നത്. ക്യാന്സറിന് പുറമേ ശരീരവീക്കം, വേദന തുടങ്ങിയ പല
പ്രശ്നങ്ങള്ക്കും ഇത് പരിഹാരമാകുമെന്ന് വീഡിയോയില് പറയുന്നു.
ഇത് തെററിദ്ധാരണ
കുക്കുമ്പര്, ഇഞ്ചി, മഞ്ഞള്പ്പൊടി വെള്ളത്തിന് ക്യാന്സര് മാറ്റാന് കഴിയുമെന്നത് വെറും തെറ്റിദ്ധാരണയാണെന്ന് ഡോക്ടര്
പറയുന്നു. ഇതിന് ആരോഗ്യപരമായ ഗുണങ്ങള് കാണും, പക്ഷേ ക്യാന്സര് മാറ്റുമെന്നത് തെറ്റായ അവകാശവാദമാണ്.
മഞ്ഞളില് കുര്കുമിന് എന്ന ഘടകമുണ്ട്. ഇതിന് ആന്റി ഇന്ഫ്ളമേറ്ററി, ആന്റിഓക്സിഡന്റ് ഗുണങ്ങള് ഉണ്ട്. ഇഞ്ചിയ്ക്ക്
കീമോതെറാപ്പി കാരണം ഉണ്ടാകുന്ന മനംപിരട്ടലിന് പരിഹാരമാകാന് സാധിയ്ക്കും. എന്നുകരുതി ഇവയ്ക്ക് ക്യാന്സറിന്
മരുന്നാകാനുള്ള കഴിവില്ല. പ്രത്യേകിച്ചും ക്യാന്സര് ചികിത്സാരീതികളായ സര്ജറി, കീമോതെറാപ്പി, റേഡിയേഷന്
തെറാപ്പിയ്ക്ക് പകരമാകാന് സാധിയ്ക്കില്ല.
ഡോക്ടറുടെ നിര്ദേശം
ക്യാന്സര് അതിന്റെ തരവും തീവ്രതയും അനുസരിച്ച് വിദഗ്ധ ചികിത്സ വേണ്ട ഒരു രോഗമാണ്. വീഡിയോയില് പറയുന്നവ
കഴിച്ചാല് ആരോഗ്യപരമായ ഗുണങ്ങള് നല്കുന്നുണ്ട്. എന്നാല് ഇതൊരിയ്ക്കലും ക്യാന്സര് പോലുള്ള രോഗങ്ങള്ക്കുള്ള
പ്രകൃതിദത്ത പരിഹാരമായി കണക്കാക്കാന് സാധിയ്ക്കില്ല.
ക്യാന്സര് ബാധയ്ക്ക് ഒരു ഓങ്കോളജിസ്റ്റിന്റെ സേവനം അത്യാവശ്യമാണ്. രോഗത്തിന്റെ സ്വഭാവം അനുസരിച്ച് വേണ്ട
രീതിയിലെ ഉപദേശങ്ങളും ചികിത്സാരീതികളും നല്കാന് അവര്ക്കേ സാധിയ്ക്കൂ. ഡയറ്റ്, വ്യായാമം എന്നിവ
രോഗചികിത്സയുടെ ഭാഗമായി പരീക്ഷിയ്ക്കാമെങ്കിലും ഇത് ക്യാന്സര് രോഗത്തിനുള്ള ചികിത്സയായി
കണക്കാക്കാനാകില്ല.
ഡോക്ടറുടെ അഭിപ്രായത്തില് നിന്നും യൂട്യൂബ് ഷോര്ട്സിലെ അവകാശവാദം തെറ്റാണെന്ന് തെളിയുന്നു.